Довчерашната вардарка, Сара Ристовска е прогласена за најдобар спортист на Македонија во 2018 година

Поранешната ракометарка на Вардар, Сара Ристовска заедно со каратистот Емил Павлов се прогласени за најдобри спортисти на Македонија за 2018 година.

Македонската репрезентативка, Сара Ристовска во годината која полека изминува ја освои двојната круна со вардарки во домашните натпреварувања ( лигата и купот), успеа да стане шампион на регионалната лига и играше во финалето од Лигата на Шампионите. Летово, Ристовска направи трансфер и се пресели во екипата на Крим од Словенија. Исто така со репрезентацијата на Македонија успеа да се пласира во баражот за пласман на СП во 2019 година.