Вардарки имаат најдобар напад во нашата група

Со натпреварот на Букурешт и Вардар се комплетираше 8-то коло во Лигата на Шампионите. По ова одлично издание и победата над Букурешт нашите девојки се искачија на 3-то место на табелата во групата 2. По ова коло нашиот тим има прв најдобар напад во нашата група.

Досега по овие 8 одиграни натпревари Вардарки имаат постигнато вкупно 215 погодоци, што ги прави најдобри во нашата група. Одма зад нас, со два гола помалку, е Европскиот првак тимот на Будуќност. Исто така нашите девојки можат да се пофалат со податокот дека во овој момент имаат втор најдобар напад во ЛШ, одма зад тимот на Ференцварош, кој досега има постигнато дури 230 погодоци. Се надеваме дека девојките на Вардар ќе продолжат во ова темпо и на следните натпревари.