Вардар во сабота го очекува тешко гостување, ЖРК Чаир не пречекува во меч од 7.коло

По една недела пауза, поради фактот што беа слободни во изминатото коло,  девојките на Ристова, Црвенковска и Царчев ги очекува нов предизвик. Во 7.коло кое ќе се игра  викендов тие се гости на екипата на ЖРК Чаир од  истоимената скопска населба.

Натпреварот е закажан за задутре, сабота, 26.октомври со почеток во 17-00 часот. Дуелот кој ќе се игра во салата при основното училиште „7ми Март“ во Чаир ќе го судат Виктор Андонов и Благојче Тодоровски од Скопје.

Тимот на Чаир кој прва сезона игра во Суперлигата има забележителни резултати досега. Тие успеаа да дојдат до 12.бода од пет меча, односно забележаа само еден пораз и дојдоа до четири победи. Тие се на позицијата број.4 на табелата веднаш зад триото Вардар-Металург-Куманово. Не очекува тежок испит на кој се надеваме ќе успееме да дојдеме до позитивен исход. Вардарки досега имаат 15 максимални бодови од пет одиграни натпревари во сениорската лига.