Вардар и ЖРК Металург одигаа тест меч во Автокоманда, девојките на Ристова и Царчев одигаа две различни полувремиња. Во првиот дел ние бевме подобри противници се до крајот на истиот, имавме и водство иако Металург во финишот направи пресврт. Во вториот дел влеговме со два негатива, сино-белите дами успеа да додадат плус пет гола и победија со седум разлика, 28-21 на оваа средба. Делумно за поразот допринесе и исклучитечно лошата реализација на пеналите, ние дури шест пати промашивме удар од 7.метра што допринесе противникот да ни се одлепи.
Вардарки на почетокот на дуелот ја имаа контролата, тие го контолираа резултатот. Тие поведуваа противникот се обидуваше да се врати во игра, отворивме со 2-4 по помалку од десетина минути игра. Имавме водство се до 7-8, кога со два гола предноста ја презема сино-белиот тим кој поведе со 9-8 и до крајот на мечот не ја испушти предноста. На одмор Металург замина со два гола предност, за време на паузата тие водеа со 12-10.
Домаќинот отвори многу подобро во вториот дел, додавајќи четири гола повеќе на предноста, при резултат 19-13 во 41.минута нашата клупа побара минута одмор заради консултации и менување на стратегијата. Се одлучивме на игра со два пикери, Џатевска и Дамјаноска беа на линијата од шест метри. Тоа донесе до намалување на негативата на само три гола, сепак во финишот ривалот одигра подобро и успеа да не совлада со резултат 28-21.
Катерина Дамјаноска беше денес прв стрелец, Кате погоди пет пати, еднаш од пенал и четири пати од игра од пет обиди. Капитенот, Диневска Бојана имаше три погодока, сите од линијата од седум метра. Марија Галевска и Трпевска Ивона погодија во два обида на денешниот дуел.
Кај голманите мечот го започна Грујовска Симона со одлична двојна одбрана во нејзин стил, одбрани две контри, една ниска и една висока топка, таа стигна до пет успешни интервенции. Неа ја замени Илиќ Андреа која успеа да сопре само една топка. Трајкоска Јована бранеше исто така добро, отвори со одбрана со нога, во последната третина од мечот и дојде до шест успешни одбрани.