Дуел за “бронзената“ позиција на табелата, Вардар гостува кај ЖРК Пелистер во последното коло

Денес,  “сребрениот“ тим од Купот на Македонија, нашиот ЖРК Вардар ќе го игра последното коло од плеј-офот за оваа сезона. Во истото гостуваме во Битола кај екипата на Пелистер. Натпреварот во салата “Боро Чурлевски“ се игра со почеток во 19-00 часот.

Ова е битка за “бронзената“ позиција на табелата во домашниот шампионат, тимот кој ќе дојде до победа ќе заврши како треттопласиран во првенството. Пред почетокот на оваа средба домаќинот има 15.бода, а црвено-црните девојки на Симовски, Ристова и Царчев бод помалку. Нерешен исход од оваа средба не ни иде во прилог, се надеваме дека вардарки повторно ќе одиграат како што они знаат една одлична партија и ќе завршат на местото каде што заслужуваат односно во топ-3 тимови во лигата.