Vardar Fans
Генерацијата на ФК Вардар родени “2008“ година ќе играат во големото финале на завршниот турнир во детската лига, откако попладнево ја совладаа екипата на Фљамуртари. Конечниот резултат на овој дуел гласеше 4:1.
Избраниците на Павел Неделковски имаа иницијатива уште од првата минута, а доколку искористивме барем половина од шансите, победата на крајот ќе беше многу поубедлива. Прв се закани Азизи, кој биеше над голот, а прв директен удар и за противникот и тоа од прекин, одбрани Лука Грчевски. Голема шанса за отварање на резултатот имаше Стефан Бранковски, кој сам непречен од никого шутираше само покрај голот на Фљамуртари. Се закани и Коста Бошковски, кој биеше над голот на противникот. Конечно иницијативата ја претвараме во гол, кога поради три корни беше досуден пенал за Вардар, Истиот успешно го реализира капитенот Ненад Дамјаноски, кој погоди за предност од 1:0. На вториот гол не се чекаше многу време, кога погоди Коста Бошковски за зголемување на резултатот на 2:0. До крајот на првиот дел успеаваме да го зголемиме резултатот и на 3:0 и тоа со првиот гол денес на Арти Азизи. Со овој резултат се замина на одмор.
Како и на четвртфиналениот, така и на овој меч, тренерот Неделковски им даде шанса на голем дел од играчите кои му беа на располагање. Сите дилеми околу победникот ги решивме, кога со својот втор гол на Коста Бошковски, успеваме да зголемиме на 4:0. До крајот на мечот, противничкиот тим успеа да постигне почесен гол и да го намали резултатот на 4:1, што беше и конечен на овој дуел. Имавме уште неколку прилики за погодок, но до крајот резултатот остана непроменет.
Утре играме финале, кое својот почеток го има од 10:30 часот, со победникот од дуелот помеѓу Форца и А.Пандев.
