Парондо: Одиме чекор по чекор, имаме нови играчи кои треба да се вклопат во тимот

Со попладневниот прв тренинг во С.Ц. Јане Сандански, тимот на РК Вардар означи старт на подготовките за новата натпреварувачка сезона. Како што е познато нов предводник од клупата на црвено-црните ќе биде Роберто Гарсија Парондо, кој ќе го замени Раул Гонзалез. Составот претрпе неколку промени, но амбициите на клубост повторно остануваат високи и се сремат кон освојување на нови трофеи. Првата изјава на Парондо како нов тренер на Вардар, за официјалната страна на клубот, во која вели:

-Ќе одиме чекор по чекор. Имаме тешка група во лигата на шампионите, но и сезоната е долга. Има време за се. Имаме нови играчи, ќе треба сето да се вклопи и да најдеме најдобар баланс. Ќе имаме плус еден голман и уште еден бек од младинската школа, и наскоро и тие ќе бидат со нас, истакна шпанскиот стручњак.