Vardar Fans
Вардаровата генерација “2007„ со две победи ја започна одбраната на шампионската титула во детската лига. Избраниците на Чунга Лунга за противник ја имаа екипата на Сарај, која на два пати успеаа да ја победат.
Во текот на вчерашниот ден на теренот на ФФМ излегоа екипите на Вардар (2) и Сарај (2), поуспешни беа црвено-црните, кои славеа со резултат 7:0. Самиот резултат говори за одразот на силите на двете екипи. Доминација во секој поглед на вардарци, кои на крајот заслужено ја впишаа првата победа во новата сезона. Никола Јовановски успеа да постигне два гола, додека по еден беа дело на Драган Лебариќ, Лука Рајчин, Димитар Фидановски, Лео Манчев и Михаил Јордановски.
Утрово пак својот дуел го одиграа екипите на Вардар (1) и Сарај (1) и на овој меч забележавме висок триумф, изразен со резултат 7:1. Натпреварот започна со шанса за Сарај, но Лука Јаневски не дозволи почетна негатива. Вардар брзо успеа да го отвори резултатот, кога беше досуден пенал, поради играње со рака на еден од противничките играчи. Сигурен реализатор беше Стефан Младеновски за предност од 1:0. Веднаш после отварање на резултатот, противникот имаше голема прилика да израмни, кога еден од нивните играчи се најде очи во очи со нашиот голман, но Јаневски повторно успешно брани.
Во следните минути видовме два обиди на Грашески, во првиот одбрани голманот, додека во вториот шутира покрај голот. Црвено-црните го зголемуваат водството кога од левата страна нафрли Томовски, топката стигна до Младеновски кој со глава ја погоди мрежата на Сарај, тоа значеше и предност од 2:0. Откако противникот направи три корни беше досуден казнен удар за Вардар, кој успешно го реализира Младеновски, за негов втор гол и предност од 3:0. До крајот на првиот дел постигнавме убав гол, беше дело на Емир Шаботиќ кој биеше силно за предност од 4:0 по првиот дел.
Второто полувреме започна со два удари на Сарај, од кои и двата беа скротени од Јаневски, посебно опасен беше вториот удар од прекин, но нашиот голман денес одлично си ја одбработи задачата. За одбележување е ударот од прва на Грашески, кој заврши покрај голот, како и обидот на Томовски, кој остана нереализиран. Сепак истиов играч успеа да зголеми на 5:0, со удар од белата точка, откако Сарај направи три корни.
Грашески успешно стрелаше во мрежата. Тренерот на Вардар, Горан Петрески им даде подеднаква шанса на сите играчи кои денес му беа на располагање. Добра шанса за нов гол имаше и Шаботиќ, кој имаше отворена ситуација за гол, но не успеа да погоди. Марко Киш беше играчот кој имаше исто така прилика, но резултатот остана истиот. До крајот на натпреварот видовме уште три гола. Вардар го зголеми водството на 6:0 преку Шаботиќ и на 7:0 преку Борјан Томовски, за во последната минута од дуелот почесен гол да постигне и Сарај, за конечен резултат од 7:1 на овој натпревар од детската лига.
