Vardar Fans
Изминатиов викенд се одигра ново коло во детската фудбалска лига. Вардаровите генерации одиграа вкупно десет натпревари, на кои забележаа осум победи и два порази.
Победничко коло имаше генерацијата на Вардар родени “2006„ година кои славеа во дуелите со Њу Старс. Вардар (1) беше убедлив против Њу Старс (1) и славеше со резултат 9:0, додека Вардар (2) го доби дуелот со екипата на Њу Старс (2) со резултат 4:3. За Вардар (1) ова беше вкупно петта победа оваа сезона во детската лига, а има и еден пораз, додека Вардар (2) го запиша четвртиот триумф, а има уште еден пораз и нерешен резултат.
Генерацијата на ФК Вардар “2007„ може да се пофали и дела после ова коло има максимален број на освоени бодови во детската лига. Вардар (1) со триумфот над Њу Старс (1) стигна до шесттата последователна победа (12:0), додека исто толку победи има и Вардар (2) кој славеше во дуелот со екипата на Њу Старс (2) со резултат 3:1.
Половичен успех имаше генерацијата родени “2008“ година, кои за противници ги имаа екипите на Албарса и Спорт Ефе. Вардар (1) го задржа стопроцентниот ефект во лигата стигнувајќи до шесттата победа откако ја победи Албарса со резултат 10:1, додека Вардар (2) го загуби мечот со Спорт Ефе (3:4). Тоа беше за нив втор пораз сезонава, во која имаат уште и три победи и еден нерешен резултат.
По една победа и пораз во ова коло и за генерацијата “2009„ на Вардар. Екипата на Вардар (1) го победи тимот на Биџо (9:2) и ја оствари својата петта победа, а имаат и еден нерешен резултат, додека Вардар (2) беше поразен од Драчево (3:5). После шест одиграни кола, Вардар (2) има ефект од две победи и четири порази.
Успешно коло имаше и најмладата генерација “2010„ кои забележаа две победи. Вардар (1) го победи тимот на Биџо (1) со резултат од 3:2, додека Вардар (2) беше подобар од Биџо (2) со резултат 3:1. После пет одиграни натпревари, Вардар (1) има исто толку победи, додека Вардар (2) има четири победи и само еден пораз и тоа уште во првото коло.
