Vardar Fans
Екипата на Рк Вардар ја забележа третата победа во сеха лигата и ја продолжи победничката серија во новата сезона. Ова е вкупно десета победа за црвено-црните, вклучувајќи ги и подготвителните турнири. Избраниците на Гонзалес играа колку што беше потребно, за да се забележи победа. Конечниот резултат гласеше 31:28, иако на моменти нашиот шампион имаше предност и од седум голови. Сепак Нексе одигра поконцетрирано на моменти и подобро во одбраната, па успеаа да ја намали разликата. На прес конференцијата после завршување на мечот, своите видувања ги изнесоа тренерот Гонзалес и Горбок, кој на овој дуел постигна 4 голови.
-Беше добар натпревар. Не ги исполнивме сите задачи поставени од тренерот, правевме многу грешки во нападот со што му овозомживме на Нексе контра-напади. Беше тежок меч и затоа важно е што победивме, изјави Горбок.
Гонзалес нагласи дека Нексе одиграл добар натпревар, но и дека Вардар мора да игра многу подобро.
-Нексе одигра многу добар натпревар,а нам ни беше многу тешко. Во првото полувреме имавме проблеми во нападот, губевме многу топки и примивме многу контри. Кон крајот ја подобривме одбраната, со Тимур во 5-1, почнавме да трчаме многу и тоа беше добро. Во вториот дел направивме седум гола разлика, но потоа тренерот на Нексе направи 5-1 зона, го неутрализира Карачиќ и не знаевме како да играме, беше многу тешко. Мораме да се поправиме, зашто разликата ја загубивме за многу бргу време. Нексе одигра одлично, рече Гонзалес на пресот.
