Vardar Fans
Генерацијата на ФК Вардар родени „2008“ година успеаа да го освојат силниот меѓународен турнир „Пандев Куп 2019“, кој изминативе денови се играше на терените во Струмица. Во големото финале избраниците на Влатко Колев успеаа да ја победат екипата на Талент од Битола.
Вардар го доби големото финале, на кое доминираше во текот на целиот меч и имаше најголем дел од играта. Вардар успеа да го отвори резултатот и да поведе со 1:0 со голот на Лука Трепевски. Вториот погодок на финалето за црвено-црните го постигна Арти Азизи, за триумф и освојување на трофејот на турнирот „Пандев Куп“.
На овој турнир одигравме вкупно шест натпревари, на кои забележавме исто толку победи. За најдобар играч на турнирот беше прогласен Матео Кесиќ, додека најдобар голман е Лука Грчевски.
