Vardar Fans
Актуелниот светски вицепрвак Ал Аин од Обединетите Арапски Емирати е третиот противник на Вардарци на летните подготовки во Словенија. Дуелот на овие две екипи ќе биде одигран денеска со почеток од 17 часот и 30 минути. Пред фудбалерите на Александар Васоски стои голем предизвик, а тимот на Ал Аин важи за фаворит на овој дуел.
Ал Аин доаѓа од една богата земја и во овој момент според „Transfermarkt“ вреди нешто помалку од 14 милиони евра. Цукаса Шиотони од Јапонија и Кајо од Бразил ја предводат листата на најскапи играчи на овој тим. И двајцата во овој момент според „Transfermarkt“ вредат 2,5 милиони евра на трансфер пазарот, a само за споредба, Вардар во овој момент се проценува на 4 милиони евра.
Ал Аин на 20 декемеври минатата година направи голем подвидг во 1/2 финалето на Светското клупско фудбалско првенство, победувајќи го победникот во Копа либертадорес, аргентинскиот Ривер Плата, на пенали со 5-4 (по 120 минути игра беше 2-2). Во финалето, овој тим очекувано загуби од Реал Мадрид со резултат 4:1.
Останува да видиме како ќе се покаже нашиот тим на дуелот, кој како што рековме ќе има почеток од 17-30 часот.
