Vardar Fans
Денес во С.Ц. Јане Сандански, екипата на ЖРК Вардар го одигра последното есенско коло во најсилната супер лига. Издвојуваме триумф кој беше вкупно 9. во оваа полусезона, совладана беше екипата на Алушовски, со убедливи 55:25.
На почетокот ривалот отвори со два гола за почетни 0-2 по 2.минути ракомет, веднаш ние изедначивме преку Милица Николиќ во 4.минута на 2-2. Заигравме подобро во одбраната, со два врзани гола на Ива Јаковчевска направивме целосен пресврт и поведовме со 4-2. Сепак екипата на Алушовски врати со два погодоци и успеа да го израмни резултатот. Вардар беше тимот кој диктираше темпо на овој меч, па со нов гол на Јаковчевска најпрво успеавме да поведеме со 9:6, додека добрата игра во одбраната ни овозможи контра-напад, која во гол ја претвори Ана Марија Коларовска за највисоки 10:6 во 11 минута од дуелот. Имавме прилика преку Николиќ и Ѓорѓиевска да го зголемиме резултатот, откако не погодивме два зицери, најпрво Николиќ ја погоди пречката, додека Ѓорѓиевска не успеа да го совлада гостинскиот голман, кој одлично одбрани. Екипата на Алушовски се поретко наоѓаше ситуација да ја пробие нашата одбрана, Грујовска одбрани неколку удари, потоа нова техничка грешка направи противникот, што ни овозможи брза контра која во погодок ја претвори Николиќ за највисоки 13:7 во 16 минута, додека претходно погоди и денес непогрешливата Ива Јаковчевска која имаше стопроцентна реализација. За прв на мечот беше побаран тајмаут и тоа од страна на противничката екипа, која на клупата е предводена од поранешната ракометарка на Кометал Ѓ.П, тоа е Наталија Тодоровска. Не се променија многу работите за гостинската екипа, вардарки беа во серија па со нов гол на Коларовска зголемија и на 15:7. Полека се насетуваше и двоцифрена предност за разиграните вардарки, кои со голот на Стефанија Ѓорѓиевска имаа предност од 19:10. Тоа и се случи на три минути пред крајот кога, Грујовска одбрани, Коларовска додаде до Ѓорѓиевска која од својата позиција погоди за 22:12, а со голот на истиот играч имавме и водство од 23:12. На одмор заминавме со 24-14.
Вториот дел започна со по два гола за почетни 26-16 по само 5.минути ракомет. Вардарки влегоа во нова серија па со головите на Трпевска и Николиќ имаа предност од 30:17. На нашиот гол во вториот дел застана и Јована Трајкоска која успева да одбрани зицер удар на противничкиот играч. Застана противникот на 20 голови, додека вардарки беа немилосрдни во својата реализација, погодувавме преку Миновска, Паковска и Трпевска со два погодоци во серија, за резултат 41:20 во 48 минута од мечот. Зад името на Јована Трајкоска одбележуваме уште неколку успешни одбрани. Тренерскиот тандем на клупата на Вардар, Ристова и Црвенковска им даваа шанса за игра на сите ракометарки кои денес се најдоа во ростерот за овој натпревар. Константно растеше водството, погоди Миновска за 50:25. На крајот конечниот резултат гласеше 55:25.
Најефикасни во нашиот состав беа Ивона Трпевска и Ива Јаковчевска со по 8 голови, додека 7 постигна Стефанија Ѓорѓиевска и Милица Николиќ. Миновска Сара постигна 6, додека Ана Марија Коларовска 5 голови колку и Паковска Јана. На голот, Трајкоска имаше 10 одбрани, додека Грујовска заврши со 5 интервенции.
