Vardar Fans
Втора победа во вториот меч за кадетите на Вардар Јуниор на младинскиот ракометен турнир “Илинден-2019“ . Момците на Будимир и Станковски денес го совладаа тимот на РК Пролет со резултат 22-12 во меч во кој ја контролираа играта во целост.
Oтворивме со предност за нас, по 5.минути ракомет во салата “Гоце Делчев“ водевме со 3-1 со голот на Савревски. Одлично влеговме во овој меч доминиравме, потоа двата тима постигнаа по два гола за резултат 5-3. Успеавме да врземе два погодици преку Благоја Димчевски и Савревски поведовме првпат со четири плус, на семафорот беше 7-3, по што Пролет искористи тајм-аут. Бевме тимот кој диктира тампо, прв пат со шест гола поведовме во 16.минута со одличниот гол на Симон Калајџиски. Конечните за првиот дел 13-7 ги постави Димчевски со гол на 25.секунди до крајот на првите 20.минути.
Вториот дел започна со по еден гол, за 13-8 по 2.минути ракомет стрелаше Бојан Чакалиќ. Ние потоа со мини серија 3-0 се одлепивме на осум гола позитива, доминиравме во одбраната, во нападот рутинирано казнуавме. Поведовме со 16-8 некаде пред средината на вториот дел, стрелец за осум позитива беше Чакалиќ. Првпат на нецели три минути до крајот ја пробивме двоцифрената разлика, поведувајќи со 21-11 за нас погоди Савревски со силен удар од околу 9.метра. Победата дојде со 22-12 откако двата тима погодија уште по еднаш.
Благој Димчевски и Савревски Давид постигнаа десет гола, по пет двајцата. Три гола беа дело на Димитриевски .
