Vardar Fans
Европскиот првак, Вардар ја започнува новата сезона во ЛШ, кормиларот Стевче Алушовски, очекува поволен резултат на ова гостувањето. Задутре, црвено-црните гостуваат кај Мешков Брест во прелиминарната рунда од сезоната 2020/2021.
„Дуелот со Мешков Брест е прв од низата што не очекуваат во Лигата на шампионите. Тоа што досега го одработивме беше една подготовка токму за овој меч. Имавме големи проблеми, посебно во офанзивниот дел. Мешков Брест е наш стар познаник и сериозен противник во ЛШ. Со доаѓањето на Скубе тие добија квалитет плус. Ја имаат благата фаворитска улога поради домашниот терен. Јас очекувам да го подигнеме нивото на играта во напад. Знаеме кои се нивните слаби страни. Ќе дадеме максимум и се надевам тоа ќе биде доволно за поволен резултат во Белорусија- вели Алушовски.
