Vardar Fans
Вечерва со почеток од 20:15 часот, екипата на РК Вардар ќе го одигра вториот дуел во рамките на СЕХА-лигата. Противник за црвено-црните ќе биде екипата на Нексе.
Добро познат противник за Вардар, со кој секоја сезона се среќаваме во регионалното натпреварување. Минатата сезона двете екипи играа во 1/4 финалето, а како посреќен се покажа нашиот шампион кој се пласираше на завршниот турнир во Задар.
За Вардар денес се очекува да дебитира новото засилување, се работи за црнагорскиот репрезентативец, Васко Шеваљевиќ кој доаѓа од првенството на Фрнција. Во речиси комплетен состав ќе го дочекаме денешниот натпревар со Нексе, со исклучок на Чупиќ кој нема да биде на располагање на тренерот Алушовски.
Вардар и Нексе со победи ја отворија новата сезона во СЕХА-лигата откако и двете екипи беа подобри во дуелите со Војводина. На денешниот дуел во С.Ц. Јане Сандански, екипата на Нексе ќе биде предводена од помошниот тренер, иако се очекуваше Тамше да дебитира, тоа нема да се случи на дуелот со Вардар.
Како што истакна Алушовски во пресрет на овој меч, во рамките на СЕХА-лигата, Вардар е секогаш фаворит кога игра на домашен терен, па така се очекува да биде и на вечерашниот натпревар.
Натпреварот на Вардар и Нексе ќе биде пренесуван на МТВ.
