Шестмина играчи на РК Вардар на поширокиот список за ЕП 2022

Шестмина ракометари на РК Вардар1961 се најдоа на поширокиот список на селекторот Кирил Лазаров за настап на следното сениорско ЕП што во јануари ќе се одржи во Унгарија и Словачка. На списокот има вкупно 35 ракометари, и од нив ќе бидат избрани оние што ќе патуваат за Унгарија каде настапува нашата репрезентација.

Мартин Томовски, Гоце Георгиевски, Стојанче Стоилов, Филип Талески, Марко Мишевски и Стефан Атанасовски се играчите кои ќе конкурираат за место во тимот.

Во втората половина на декември почнуваат подготовките за ЕП, а од 13 до 17 јануари ќе играме во групната фаза во Дебрецин, кад епокрај Македонија се уште и репрезентациите на Данска, Словенија и Црна Гора. Само првите две репрезентации продолжуваат во следната фаза во Будимпешта.