Три генерации на ФК Вардар ќе се натпреваруваат на меѓународниот турнир „Пирин Куп“ во Сандански

Тре генерации на фудбалскиот клуб Вардар во претстојниов период ќе настапат на силен меѓународен турнир во Бугарија, се работи за „Пирин Куп 2022“, кој ќе се одржи во периодот од 13-16.февруари во градот Сандански. Тоа се генерациите 2007, 2008 и 2009 за кои ова ќе биде прв турнир во новата година.

Во генерацијата 2007 ќе се натпреваруваат вкупно девет екипи, кои ќе бидат поделени во три групи. Вардар е дел од групата Б во која се уште и екипите на Хебар Пазарџик и Спорт Вилаж.

Девет натпреварувачки екипи ќе има и во генерацијата 2008. Нашите млади надежи се сместени во групата Б, каде се и екипите на Витоша 13 Софија и Прециз Монтана.

Вкупно 16 екипи ќе се борат за првото место на турнирот во генерација 2009, меѓу нив е и Вардар. Црвено-црните се наоѓаат во групата Б со екипите на Спартак Пловдив, Витоша 13 Софија и УФЦ Софија.

Генерациите 2007 и 2008 се предводени од Влатко Колев, додека Зоран Петковски е тренер на генерацијата 2009.

Натпреварите од првото коло ќе ги стартуваме на 12 и 13.февруари додека во текот на утрешниот ден ќе го објавиме и распоредот како и термините на одигрување натпревари за нашите екипи.