Пом.пионери со важна победа над Шкупи

Помладите пионери на Вардар го продолжуваат својот од кон титулата, денес на домашен терен во еден цврст дуел дојдоа до минимална, но значајна победа. Црвено-црните беа подобри од тимот на Шкупи со резултат 2-1 (1-1).

Вардар започна со овој состав: Данстак Андреј, Ајетовиќ Нуман, Јанкоски Драган, Порчу Димитар,  Николовски Марко Лефковски Давор, Гаштаров Матеј, Коловски Стефан, Нурединовски Алтин,  Алији Алтин и Николов Михаил.

Вардарци тргнаа офанзивно на оваа средба, имаа повеќе желба и борбеност од гостинот, ние нападнавме со цел да отвориме со погодок. Свои прилики имаа Гаштаров , Коловски и  Нурединовски кои не вродија со полод. Се играше 33.минута кога Алији Алтин успеа да погоди и да ни донесе водство, со неговиот гол поведовме со 1-0 на оваа средба. За жал 10.минути потоа гостинот успеа да изедначи на 1-1, тие во 43.минута дојдоа до резултатска симетрија. Ние се обидовме во финишот на првиот дел да нападнеме и да ја вратиме предноста, имаше малце време и не успеавме во тоа. Заминавме на одмор со реми резултат 1-1.

Во вториот дел вардарци фрлија се на една карта, ни беше потребен погодок за да се вратиме во водство и да дојдеме до три битни бода во борбата за титула. Гаштаров се закани со удар од дистанца, неговиот обид беше блокиран.  Конечно во 68.минута преку Ајетовиќ Нуман дојдовме до предност, нашиот играч стрелаше за водство до еден гол, односно за резултат 2-1.  До крајот имаше две шанси за одбележување, Ајетовиќ Нуман се закани од слободен удар за нас, ривалот имаше прилика која одлично ја одбрани нашиот голман Данстак Андреј. До крајот успеавме да ја зачувавме предноста и да дојдеме до победа на оваа првенствена суперлигашка средба со резултат 2-1.

Во игра влегоа: Брзаковски Ангел ,  Ѓорѓиевски Матеј и Крстевски Дамјан.