Vardar Fans
Екипата на РК Вардар 2 продолжува да “реди“ победи на натпреварите во првата ракометна лига. Избраниците на Стојан Петрушевски со триумф се враќаат од гостувањето во Кавадарци. Совладана беше екипата на Тиквеш со убедлив резултат од 24:32.
Тиквеш беше екипата која прва постигна гол, но Вардарци направија серија од четири погодоци за водство од 1:4. Во средината на првото полувреме домаќинот успева со подобра игра да го израмни резултатот на 8:8. Но секогаш кога Тиквеш ќе се доближеше до нашата предност, Вардар враќаше со серија од неколку погодоци, за повторно да ја вратиме позитивата од пет голови. До крајот на првото полувреме само го зголемивме водството, за на одмор да се замине со резултат 10:15 во наша корист.
И во вториот дел бевме подобра екипа на теренот во Кавадарци, отворивме со два гола на стартот за веќе поосетлива предност од 11:17. Решавачкиот чекор кон нова победа, го направивме кога при резултат 17:21, следеше наша серија од 0:4 за веќе најголеми осум голови предност или 17:25.До крајот на натпреварот ја одржувавме предноста и без проблеми го доведовме крајот на овој меч.
Тоше Ончев повторно беше лидер на тимот со 8 постигнати голови. Го следеа Кристијан Анастасовски со 7, Александар Димовски со 6 и Дејан Кукуловски со 4 погодоци.
