Vardar Fans
Градот Штип денес беше домаќин на вториот пролетен турнир во фудбалската “Вардар Јуниор“ лига, на кој се натпреваруваа екипи од т.н. источен регион. Настап имаше и фудбалскиот клуб на Вардар, генерација родени “2004“ година. Тие денес одиграа три натпревари и на сите мечеви забележаа победи.
На првиот дуел, противник ни беше екипата на Рудар Јуниор (Пробиштип), против кој забележавме победа од 3:0. Стрелци на головите беа Матео Софијански, Никола Анчевски и Лука Ивановски.
Веднаш после овој меч, избраниците на тренерот Филип Арсовски остварија уште еден нов триумф. Домашната екипа на Мал Ајакс-Вардар од Штип беше вториот противник за црвено-црните. Ново одлично издание за нашите млади надежи и нова победа, овој пат изразена со поголема разлика. Конечниот резултат на овој дуел гласеше 6:0. Шест различни играчи се запишаа во листата на стрелци на овој меч. Матео Софијански, Димитар Стоимов, Теодор Перковски, Стефан Тасев, Никола Анчевски и Стефан Стојоновски погодија за Вардар.
До крајот на денот одигравме уште еден меч и тоа со генерација родени 2003 година од екипата на Мал Ајакс-Вардар. И на овој натпревар, иако игравме против повозрасна генерација, успеавме да победиме со резултат 4:1. Георг Стојановски постигна 2 гола, Матео Софијански 1 и еден автогол на противникот.
Оваа генерација имаше пеколен период каде одигра серија натпревари, гостуваше на турнир во Бугарија каде без пораз го освои 4.местото , вчера одигра коло на детската лига, а денес триумфално се прошета низ мечевите во Јуниор лигата.
