РК Вардар се наоѓа на лидерското место во СЕХА-лигата

Екипата на РК Вардар се наоѓа во победнички ритам оваа сезона и моментално се наоѓа на лидерското место во СЕХА-лигата. Вардарци имаат одиграно најмногу натпревари во ова натпреварување, вкупно седум и имаат забележано шест победи и само еден нерешен резултат. Единствено екипата на Брест Мешков со гол во последните секунди успеаа да ни “откине“ бодови и тоа во она прво воведно коло. После тој меч започна серијата на црвено-црните која трае веќе шест последователни победи. Издвојувавме триумфи против актуелниот шампион во ова натпреварување, екипата на Веспрем, како и во дерби мечевите со екипите на Металург и Загреб. Бевме “кобни“ и за Целје Пивоварна Лашко постигнигнувајќи 40 голови во нивната мрежа. Татран Прешов и Горење беа лесен “залак“ за избраниците на Раул Гонзалес совладувајќи ги со голема разлика. Со 19 бодови се наоѓаме убедливо на првото место на табелата. Едно место под нас со 12 бодови се наоѓа екипата на Веспрем, треттото место му припаѓа на Брест Мешков со 10 освоени бодови, додека четвртото и петтото место со идентични 9 бодови ги држат екипите на Загреб и Целје. Единствено повратникот во  регионалната лигата, Извиѓач сеуште е без триумф. Засега имаме и најефикасен напад со 238 погодоци, додека примивме 193. Следен натпревар за Вардар во сеха е на 12-ти октомври пред домашната публика против последнопласираниот тим на Извиѓач.

Одлично започнавме и во лигата на шампиони, каде имаме две победи од исто толку одиграни мечеви. Вардар сеуште нема пораз оваа сезона на официјален натпревар. Единствениот беше во подготвителниот период против Брест Мешков. Радува добрата форма на нашиот состав, кој бележи добри резултати. Се надеваме дека серијата на победи ќе продолжи и на следниот дуел во ЛШ, на гостински терен против Целје П.Л.