Vardar Fans
Мечевите во ракометната Вардар Јуниор лигата почнуваат следната недела, односно, првите натпревари се играат викендот 22 – 23 октомври. Во оваа сезона лигата ќе се игра и надвор од главниот град Скопје каде во првата сезона се играа сите мечеви и завршните турнири. Според планот градови – домаќини ќе бидат Прилеп, Кавадарци, Велес, Кичево, Гостивар. Бројот на децата кои тренираат во Ракометната академија, од нејзиното формирање во континуитет се зголемува, и сега има околу 1500 деца од различна возраст. Од нив во Вардар Јуниор лигата сега ќе се натпреваруваат 650 деца, што покажува дека во однос на минатата година значително е зголемен и бројот на децата кои учествуваат во Лигата.
