Директорот на Б.Мешков: Сакавме да го задржиме Кристопанс, но Вардар испрати понуда која едноставно не се одбива

Вчера нашиот ракометен клуб  Вардар официјално го потврди  доаѓањето на летонскиот репрезентативец Даинис Кристопанс. Тој ќе биде дел од црвено-црните  од следната сезона и потпиша тригодишна верност. Летонецот треба да го замени и пополни местото  на Алекс Душебаев кој од есен ќе настапува за моменталниот шампион на стариот континент екипата на  Киелце. Кристопанс веќе ја игра последната сезона за  белорускиот првак, Павел Башкин спортскиот директор на Брест Мешков, во изјава за локалните медиуми објаснува како морал да се одкаже од Кристопанс поради екстра понудата од црвено-црните :

Нашиот играч Даинис Кристопанс за жал, заминува во РК Вардар следната сезона. Направивме вистинскиот избор во 2015 година, го следевме од јуниорските категории и ракометарот постојано напредува. Познат беше  интересот за него од бројни европски врвни клубови, се обидовме да го задржиме со нов договор и поволни услови. На крај Вардар му испрати понуда која не се одбива. Што е тука е, животот продолжува, вакви примери во спортот има многу. Ние започнавме потрага по негова замена на таа позиција. Се надевам дека тој ќе покаже вистински професионализам и нема да се штеди до истекот на договорот со Мешков Брест.