Vardar Fans
Во спорската сала Кале денес се одигра второто коло во ракометната Вардар Јуниор лига. Кај момците родени 2002 година и 2003 година се одиграа два дуела. Во истите победа однесоа екипите на РК Шампион-Вардар и РК Урдаревски Вардар.
Во првиот дуел во машка конкуренција во генерацијата 2002/2003 се сретнаа екипите на РК Опш. Кисела Вода- Вардар и РК Шампион- Вардар. Први со гол мечот го отворија играчите на К.Вода, веднаш со гол вратија момците од Шампион. Следеа два последователни погодоци на К.Вода која се одлепи на 3-1. Се играше во следните 5 минути гол за гол, двата тима постигнаа по два гола за резултат 5-3. Сепак најдоа сила играчите од Шампион и изедначија најпрво на 5-5, а потоа успеаа со нов погодок да зголемат на 5-6. Со овој резултат на семафорот во “Кале“ се отиде на одмор.
Вториот дел почна со нов погодок и зголемување на водството на Шампион на 5-7. Веднаш Кисела Вода успеаа со два гола да изедначи на 7-7. Шампион ја прави клучната предост во продолжение со која го “крши“ тимот на Кисела Вода и со која ќе обезбеди победа. Следува серија 1-3 и водство од 8-10. Докрајот двата машки колективи постигнаа по два погодоци, за резултат 10-12 и триумф на РК Шампион Вардар. Кај победниците прв стрелец беше Виктор Додевски со три гола, а кај поразените исти скор имаше Филип Костовски.
Во вториот дуел се сретнаа екипите на РК Урдаревски и РК Илинден-Вардар. Тимот на Урдаревски прв го отвара мечот со 1-0, веднаш на тоа со погодок одговараат момците на Дарко Јанев и изедначува Илинден на 1-1. Слеваат два последователни гола и прво водство од “два плус“ за Урдарвески. Сепак Илинден не се предава се консолидира, во продолжение имаат свои минути и изедначуваат на 4-4 со серија 1-3 . Потоа следи неверојатен пат во нивната игра која Урдаревски го користи, задавајќиим сериоен удар. Со серија 4-0 на полувреме заминуваат со водство од 8-4, кое подоцна ќе се покаже како клучно за триумф.
Илинден не се предаде, вториот дел го стартува со два гола и се враќа во мечот намалувајќи на 8-6. Сепак тоа беше се што направија во вториот дел, Урдаревски прави серија 6-1 , поведувајќи со 14-7. Големата предност им донесе опуштање што го искористија илинденци. Тие намалуваат до крај со серија 0-4, сепак тоа не беше доволно бидејќи Урдаревски триумфираше со 14-7. Кај победникот прв стрелец беше Христијан Мутовски со пет гола, а кај поразените најефикасни беа : Владимир Серафимов и Иван Зарковски со по два гола.
