Две убедливи победи за избраниците на Петковски, ФК Вардар генер. “2007” во детската лига

Денеска нови натпревари одиграа и двете екипи на ФК Вардар генерација “2007”. И двете наши екипи убедливо ги добија својте натпревари. ФК Вардар (1) ја победи Нова Колонија, додека пак ФК Вардар (2) славеше над Хет – Трик.

ФК Вардар (1) продолжи со победите оваа сезона. Нови на “менито” на нашите млади момчиња беа играчите на Нова Колонија. Овој натпревар нашиот тим го доби со резултат 6:2. На овој натпревар во нашиот тим вкупно четири играчи се запишаа во листата на стрелците. Стефан Младеновски постигна три погодоци, додека пак по еден постигнаа Александар Грашевски, Петар Мицевски и Марко Киш.

ФК Вардар (2) им се врати на победите. Денеска нашите момчиња победија убедливо со резултат 9:0 против тимот на Хет – Трик. На овој натпревар нашите играчи беа расположени за голови. Стрелци во нашиот тим беа: Петар Котевски, Војо Стојановски и Никола Јовановски постигнаа по два, а по еден постигнаа Димитар Фидановски, Златко Радески и Лео Манчев.