Vardar Fans
Екипата на РК Вардар 2 пред стартот на пролетниот дел во првата ракометна лига, вчера во спортскиот рекреативен центар Кале одиграа контролен натпревар со суперлигашот Работнички. Натпреварот му припадна на нашиот млад состав кој забележа убедлива победа изразена со двоцифрена разлика 33:23.
Во текот на целиот меч, избраниците на Зоран Петковски имаа постојано водство и контрола на резултатот. По првото полувреме исто така имавме солидно водство од 17:12. Ваквите мечеви служат за испробување на сите варијанти како и за ротација на сите играчи. Се обидовме со двете одбранбени зони, имаше ракометна “убавина“ на овој натпревар, а младите Вардарци сеуште ја бараат вистинската форма. Посебно внимание се посвети на одбраната која донекаде функционираше, надополнета со голманите, Андреј Петковски во првото, како и Јагош Брауновиќ во второто полувреме од натпреварот. Тренерот Петковски треба да биде задоволен од прикажаната игра на неговите избраници, каде се очекува да ја продолжат есенската приказна во рамките на првата лига.
Веќе овој викенд, РК Вардар 2 ги очекува натпревар во купот на Македонија. Се чека победникот од дуелот Куманово-Текстилец за да се дознае противникот за црвено-црните. Натпреварот ќе се одигра во недела со почеток од 13 часот на Кале.
