Браво!ФК Вардар генер.2003 обезбеди финале во Купот на Македонија

Денес  вардаровата генерација “2003“ гостуваше во Куманово, кај екипата на  ФК Милано, во реванш натпреварот од полуфиналето на купот на Република Македонија. Избраниците на Томче Трајановски во овој дуел триумфираа со идентични 0-3 како и во првиот меч.

Ние по денешниот меч обезбедивме пласман во големото финале, тоа беше за очекување уште после  првиот дуел одигран на Академијата на ФК Вардар во Скопје кога  нашите момци  славеа со резултат 3:0. Со истата екипа минатиот викенд во лигата на домашен терен триумфиравме со 5-1. Головите за победа ги постигнаа  Андрески, Давидоски и Прелоговски, со што со вкупен резултат 6-0 се пласиравме во  финалниот натпревар. Таму  црвено-црниот  тим ќе се сретне со врсниците на Академија Пандев од Струмица.