Кадетите убедливи на гостувањето кај Ренова, додека младинците загубија минимално од истиот противник

Денес се одигра последното коло во првенството на младинските фудбалски категории. Кадетите и младинците гостуваа во Тетово на екипата на Ренова. Кадетите триумфираа убедливо со резултат 1:6, додека нашите младинци го загубија натпреварот минимално со резултат 0:1.

Избраниците на Влатко Колев, кадетите на убедлив начин ја завршија сезоната, совладувајќи ја екипата на Ренова со резултат 1:6. Уште во првата минута на натпреварот успеваме да поведеме со 0:1, со погодокот на Александар Трајчевски. По само единаесет минути игра, односно во 12-тата следи нов погодок и повторно во мрежата на домашната екипа. Стрелец на голот за зголемување на 0:2, беше Дејан Стоименов. Вардар доминираше на теренот и често притискаше на половината на противникот, што им овозможија неколку добри шанси. До крајот на првото полувреме искористивме уште две, кои ги претворивме во гол. а само пет минути, најпрво во 17 минута, Вардар доаѓа во водство од 0:3, со голот на Христијан Стојчевски, додека во 22 минута за убедливи 0:4, погодува Јахја Абдулхади. Ова беше резултат актуелен на полувреме.

Во 55 минута од второто полувреме, домашната екипата на Ренова успева да постигне почесен гол и да го намали резултатот на 1:4. Вардарци не застанаа и продолжија со добрата игра и во овој дел од натпреварот. Во листата на стрелци во 60 минута се запишува и нововлезениот Александар Ѓорѓиески, за предност од 1:5. Последниот гол на натпреварот го постигнавме во 70 минута и тоа со гол на уште еден играч од пионерската екипа, кој доби шанса на овој натпревар за кадетите. Стрелец на голот за 1:6 беше Кренарт Дарлишта. Ова беше конечен резултат на крајот од натпреварот.

ФК Вардар: Зибери, Радевски, Калчиноски, Јордановски, Димов, Стојчевски, Стоименов, Јахја, Насковски, Скендерски, Трајчевски.

Во игра во второто полувреме влегоа Ѓорѓиески, Дарлишта, Битиќи, Адем, Пешевски, Стојчески, сите од пионерскиот соста, како и голманот на помалдите пионери, се работи за Матеј Андов.

Натпревар одигра и нашата младинска екипа, против врсниците од Ренова, кои загубија минимално со резултат 1:0. Единствениот гол на натпреварот падна во 61 минута од мечот, а голот за домаќинот го постигна Хамити Арнит.

ФК Вардар: Тимевски, Џуклески, Ричков, Исмаил, Б. Тодоровски, Маркоски, Димов, Додевски, Димитровски, Најдоски, Даци.