Девојките денес пристигаат во Скопје, утре прва прозивка

Летниот одмор заврши  за женскиот европски вице првак Вардар, па ракометарките денес, понеделник полека пристигнуваат во главниот град, Скопје, а дел се и претходно тука. Утре, вторник на “мени“ е  првиот тренинг на екипата, истиот би требало да се одржи попладне.

Оваа сезона целта на ЖРК  Вардар  е да се оди уште едно скалило погоре т.е вицешампионската титула да се замени со европско злато за девојките. Во ростерот за сезоната 2017/2018 има дури  пет нови имиња во составот, Теа Керамичиева, Мирјета Бајрамовска, Јована Саздовска ( репрезентативки на Македонија) и  Русинката Полена Кузнецова и Србинката Драгана Цвијиќ. Според планот за подготовки, првите четири денови ќе се работи во Скопје, а потоа се заминува на Златибор каде се останува десет денови. Експедицијата се враќа потоа дома, и ги завршува последните  подготовки за настап на турнирот чии домаќини сме ние во периодот од 23 до 26 август во Скопје.