Вардар „лапна“ 1.000.000 евра

Сите македонски клубови ги добија премиите од УЕФА за своите настапи ова лето во квалификациите за Лигата на Шампионите и Лигата на Европа.

Од сите македонски клубови највеќе “лапна” тимот на Вардар. Македонскиот шампион по одличните игри во квалификациите и победите над Малме, Копенхаген (на домашен терен) и Фенербахче, стигна до заработка од 1.000.000 евра. Ова е најголема заработка досега во македонскиот фудбал на еден клуб.

Инаку, Вардар ќе заработи и нови парични средства, со настапите во групната фаза од Лигата на Европа, со ТВ правата и слично.

Од другите тимови, Шкендија заработи  920.000 евра, Работнички 440.000 евра, додека пак Пелистер доби 215.000 евра.