ФФМ со “чудни“ номинации! Титулата на Вардар како да нема тежина за ФФМ, номинација само за Спировски

За најдобар фудалер номинирани се Бесарт Ибраими и Ферхан Хасани од Шкендија и Стефан Спировски од Вардар. Чудно е како само еден играч од редовите на шампионот, кога, обично, титулите се појдовен критериум за доделување награди. Ибраими беше најдобар стрелец во минатата сезона, со 20 гола, но Хасани постигна 13, само два повеќе од Дејан Блажевски и Џонатан Балотели од Вардар, на пример или, пак, од Фелипе, кој имаше девет, но беше мозок во играта на вардарци.