Vardar Fans
Во текот на вчерашниот ден на теренот на Академијата гостин на фудбалскиот клуб Вардар беше Академија Пандев од Струмица. Тие допатуваа во Скопје со три возрасни генерации, родени “2008“ , “2009“ и “2010“ година, кои одиграа пријателски натпревари со екипите на Вардар. На сите три натпревари подобри беа генерациите на Вардар, кои славеа убедливи победи.
ФК Вардар од генерација “2008“ ги совлада врсниците од Академија Пандев, со резултат од 3:0. Тројца различни играчи се запишаа во листата на стрелци на овој натпревар. Тоа се Матеј Киш. Арти Азизи и Коста Бошковски.
Победи и тоа уште поубедливи забележаа и генерациите на Вардар, родени “2009“ и “2010“ година кои ги совлдаа врсниците од Академија Пандев. Генерацијата “2009“ на Златко Таневски славеше триумф со резултат 10:3, додека најмладата генерација “2010“ на Зоран Петковски победи со резултат 11:4.
Сите генерации на Вардар го завршија есенскиот дел од сезоната во детската лига, па сега им преотстануваат тренинзи и одигрување на уште некои контролни натпревари, пред распуштањето на заслужен одмор.
