Vardar Fans
Французинките во црвено-црниот женски ракометен состав, Амандин Лејно и Александра Лакрабер со репрезентацијата на Франција станаа светски шампиони на Мундијалот што се одржа во Германија минатиот месец. Тие го освоија светското злато, а сега со другите ракометарките се подготвуваат за продолжението на сезоната во ЛШ и на крајот на месецов „црвено-црните” ќе го играат првиот меч од Главната фаза против Мец на домашен терен. Претходно домаќини сме на третиот турнир од Регионалната ВРХЛ лига од 19 до 21 јануари во Скопје, а ќе играме со Будуќност и Крим. Двете наши ракометарки не ги криеја амбициите да се освои и клупското европско злато.
Многу сум среќна што ја освоиме титулата со националниот тим на Франција, долго ја посакувавме и ја заслуживме наградата, а во новата година, иако е рано да се зборува за тоа, се надевам дека и со Вардар ќе ја освоиме лигата на шампионите. Среќна сум што повторно сум тука, убаво ми со тимот и веќе почнавме да се подготвуваме за нови победи. Нѐ очекуваат тешки натпревари. И треба да одиме постепено, прво да се подготвиме за првиот натпревар од шампионатот- вели голманката Анадин Лејно.
Иако во напад е жестока и незапирлива, сепак за десниот бек Александра Лакрабер, она што и го донесе успехот на Франција е одбраната. „Беше прекрасно да се освои златото на Мундијалот, и сега сакаме и со Вардар да го повториме успехот. Според мене, клучно за успехот е одбраната и на тоа треба многу да се работи. На првенството со Франција се покажа дека одбраната е многу важна за успех, и со националниот тим најмногу работевме на одбраната. И за мене тоа е клучно- вели Александра Лакрабер.
