Vardar Fans
Денес продолжуваат натпреварите за ЖРК Вардар во главната фаза од Лигата на Шампионите. Противник ни е “анонимната“ германска екипа Битигхајм. Вардар немал можност да игра со нив, па ова ќе биде прво нивно меѓусебно соочување во најголемото ракометно натпреварување.
Домашниот тим во пресрет на овој меч има проблеми што се однесува до склопување на играчкиот кадар. Во составот повторно ќе ги нема, најдобриот стрелец Ким Наидзиниавициус, а исто така така и Нина Милер и Сузан Милер. Ова го става нашиот шампион во поволна ситуација, дека може денес да стигне до посакуваниот триумф. За да го засилат тимот, тие потпишаа со капитенот на Германија, се работи за 33 годишната Ана Лоерпер која дојде од екипата на Метзинген, но таа нема право на настап во Лигата на Шампионите. Денес најголемата опасност ќе доаѓа од полската репрезентативка, Каролина Кудлач која после цели 13 години поминати во Лајпциг, оваа сезона стигна како големо засилување за екипата на Битхјам. Таа е позната за нашиот стручен штаб и ракометарките, со оглед дека сме имале можност да ги видиме нејзините квалитети, од минатите сезони кога игравме против Лајпциг.
Во првиот дел од Лигата на Шампионите, нашите противнички беа дел од групата Д, во која имаа учинок од три победи и три порази. Двете победи беа против шведски Кристијанштад, додека едната против Будуќност на домашен терен, тоа беа и единствените два пренесени бодови во следната фаза на ЛШ. Во средата тие одиграа натпревар од домашното првенство играјќи само со нерешен резултат на гостувањето во Дортмунд. Ова одеше во прилог на Турингер кој со гостинската победа изби на врвот во првенството на Германија и сега има два бода предност пред екипата на Битгхајм, односно тоа се двата тима кои оваа сезона ќе се борат за приматот, шампион на оваа земја. Првиот меч во главната рунда го загубија од токму нивниот најголем конкурент во првенството, тоа е Турингер кој славеше пред својата публика, минимално со резултат 28:26. Видливи е отсуството на трите гореспоменати ракометарки на Битгхајм, кои беа од големо значење во нивната игра. Колку ќе можат тие денес да му парираат на “разиграниот“ Вардар кој во првото коло убедливо го победи Мец, останува да видиме денес, после почетокот на натпреварот, кој ќе оди со директен пренос на МРТ-1.
Триумф на Вардарки на овој дуел ќе ззначи само чекор поблиску до освојување на првото место во новоформираната група, со оглед дека во исто време денес во меѓусебен дуел играат и нашите најголеми претеденти за оваа позиција, екипите на Мец и ФТЦ Будимпешта.
