Утре, Вардар Јуниор гостува кај ЖРК Металург во дуел значаен за вице-шампионската позиција

Во овие денови пред престојните празници се одигруваат дуели во женската ракометна Супер лига, вчера првиот тим на Вардар одигра меч со Гевгелија, а утре помладиот тим на Вардар Јуниор има свој натпревар. Девојките на Симе Симовски, утре гостува кај ЖРК Металург во дуел значаен за вице-шампионската позиција во лигата.

Натпреварот се игра, утре, четврток, 5.април со почеток во 16-00 часот во салата “Автокоманда“.   Ривалот на младите вардарки е пет бода пред црвено-црниот состав на табелата и со евентуална победа утре ќе се доближиме до нив и ќе ги зголемиме шансите во преостанатите кола до крајот да ја повторниме позицијата на која лани завршивме, веднаш зад шампионот првиот тим предводен од Ирина Дибирова.