Vardar Fans
Во неделата се одигра третото пролетно коло во детската фудбалска лига, а генерациите на ФК Вардар одиграа вкупно 12 натпревари на кои забележаа 10 победи и 2 порази.
Вардаровата генерација “2005“ стигна до две нови убедливи победи во ова коло. Вардар (1) трумфираше над екипата на Форца (2) со резултат 7:2, додека Вардар (2) го победи Њу Старс (2) високо со 9:1. Генерацијата “2006“ предводена од Сашо Јанев имаше половичен успех. Вардар (1) беше сигурен и триумфираше во дуелот со Ринија (6:0), додека Вардар (2) е поразен од екипата на Форца (1:6). Избраниците на Томче Трајановски исто така имаа успешно коло, генерацијата “2007“ забележа две победи. Вардар (1) иако имаше негатива на полувреме успеа да ја совлада екипата на Албарса (6:2), додека Вардар (3) го задржа стопроцентниот ефет и ја совлада екипата на Алабарса (7:1), составена од играчи родени “2006“ година.
Победничко коло имаше и генерацијата родени “2008“ година и тоа Вардар (1) кој ја победи Форца (3:1), додека Вардар (2) убедливо го порази Њу Старс (2) со резултат 15:2. Единствените порази во ова трето пролетно коло ги доживеа генерацијата родени “2009“ година. Вардар (1) загуби од Фортуна 0:4, додека Вардар (2) е поразен од тимот на Башкими (3:4. Најмладата генерација “2010“ победи со двете свои екипи. Вардар (1) го доби дербито со Работнички (7:0), додека Вардар (2) го доби дуелот со Форца (2:1).
