Vardar Fans
Противникот на Вардар во 1/4 финалето, тимот на Кил, во својте редови има одлични шутери. Еден од нив секако е најдобриот стрелец на тимот, десниот бек Марко Вујин.
Вујин и е доста добро познат на македонската ракометна јавност, многупати гостувал во Скопје заедно со својата селекција. Србинот и оваа сезона игра одлично во дресот на Кил, овој играч досега има постигнато 62 погодоци што го прави најдобар стрелец на тимот. Па така, најголемата опасност по голот на Штербик и ракометар број еден кој треба да се затвори е токму десниот бек од Србија.
Вујин оваа сезона во дербито против ПСЖ на домашен терен во групната фаза постигна дури 11 погодоци, а неговиот тим одигра 29:29. Инаку, како што е добро познато, Кил во 1/8 финалето го елиминираше тимот на Пик Сегед. На домашен терен Германците победија со седум голови разлика, а пак нагости загубија со еден, доволно за пласман во 1/4 финалето и директен дуел со нашиот Вардар за Ф4.
