Vardar Fans
Сигурно една од најуспешните генерациии на фудбалскиот клуб Вардар, се момците кои се родени “2005“ година. Оваа генерација која ја предводи тренерот Зоран Петковски прдоолжува со одлични игри и резултати во рамките на детската лига. Денес се одигра 7 коло во ова натпреварување, во кое настапија двете екипи на оваа категорија, кои забележаа убедливи и идентични победи. Ова е вкупно 13-та последовалтелна победа за генерацијата “2005“ во детската лига. Фк Вардар(1) има седум триумфи и шест за Фк Вардар(2).
Фк Вардар(1) за противник денес ја имаше екипата на Башкими. Натпреварот заврши со резултат 10:3. Црвено-црните му дозволија на својот противник да игра само во првиот дел, кога резултатот беше израмнет 2:2. Својата сила и пред се квалитет, нашите млади надежи ја демонстрираа во второто полувреме, кога дури осум пати ја тресеа мрежата на противничкиот голман. Стрелци на головите за Вардар беа: Филип Јовановски(4), Давор Лефковски (3), Никола Величковски (2) и Тино Спасиќ.
Фк Вардар(2) со идентичен резултат од 10:3, пак го победи Фк Смиљковци. Оваа екипа лошо го започна дуелот, која на два пати имаше негатива од 0:1 и 1:2. Сепак брзо ги консолидиравме редовите, заигравме многу подобро за уште на полувреме да го свртиме резултатот и имаме предност од 3:2. Најзаслужен за тоа беше Стефан Наумовски кој постигна три гола за само едно полувреме. Во второто полувреме продолживме во исто темпо и стил на игра кој донесе резултат. Противникот не успеаа да направи ништо посериозно, за разлика од Вардар кој ја полнеше нивната мрежа. Хет-трик на овој меч постигна Стефан Наумовски, по два гола беа дело на Бојан Јаневски и Филип Радески. По еднаш во листата на стрелци се запишаа Петар Пројковски, Исак Петковски и Горјан Цветков.
