Ајетовиќ дебитираше за Македонија У14, Лефковски се врати во Вардар

Македонската фудбалска репрезентација до 14 години изминатиов период одигра два контролни натпревари со соодветната селекција на Турција.

Деби за оваа репрезентација која е предводена од Неџат Шабани, имаше вардаровиот играч, Нуман Ајетовиќ. На двата натпревари влезе во игра во второто полувреме, а Македонија одигра со нерешен резултат и претрпе еден пораз.

Дел од селекцијата се уште неколку играчи кои во јуни минатата година од Вардар преминаа во Академијата на ФФМ. Се работи за Кристијан Галевски и Дарко Сековски. Галевски беше стартер на двата натрпевари, додека Сековски започна во првите 11-сетмина на вториот дуел. Инаку, во Вардар се врати Давор Лефковски кој изминатава полусезона беше дел од Академијата на ФФМ, а во пролетниот дел се очекува да биде дел од генерацијата 2005 на ФК Вардар. Настап имаше и Гаштаров Матеј за црвено-жолтиот тим.