Од Вардар се сели во грчки прволигаш!!

Уште еден талент на Вардар заминува и прави супер трансфер надвор од границите на државата.

Младиот играч од средината на теренот, кој ,,Вардар Фанс” го следеше низ настапите во младинските категории на клубот, за кој пишуваше дека е еден од големите таленти на нашиот тим, е пред потпис на договор со грчкиот прволигаш, Арис.

Само прашање на време е кога овој трансфер и официјално ќе биде потврден од страна на новиот клуб на репрезентативецот на Македонија до 19 години.

Со овој трансфер на Али Адем во Арис, уште еднаш се потврдува дека во младинската школа на Вардар има супер талентирани играчи.

Да потсетиме дека од нашиот тим заминаа и младите Ибиши (Локомотива Загреб), Азер Омерагиќ и Леонид Игњатов (Хајдук).