Пионерите на ФК Вардар одиграа без победник против кадетите на Работнички

Вчера на теренот на Академијата, контролен натпревар одиграа пионерите на ФК Вардар, против кадетите на Работнички. Дуелот заврши со нерешен резултат 1:1.

Одличен резултат за момците на Сашо Тодоровски, со оглед дека играа со повозрасниот ривал. По првото полувреме, екипата  на Работнички имаше водство од 0:1, додека во вториот дел за израмнување кај Вардар се погрижи Никола Павлески, кој ги постави конечните 1:1 на овој пријателски натпревар.

ФК Вардар: Ангелов, Љушев, Милошевски, Ричков, Каровски, Јаневски, Стоимов, Здравковски, Гуџуфи, Ибраим, Павлески.