Андреј Томиќ: Ќе пробаме да ја одбраниме титулата од минатата сезона.

“Петлињата“ на Фк Вардар генерација 2002 се активни во овој подготвителен период, преч почетокот на нивната лига која би требало да започне за некаде 15 дена.

-Атмосферата во екипата е одлична. Како што го завршивме првиот дел од сезоната, така го продолживме и овој дел. Максимално се подготвуваме за пролетната полусезона каде што  играме со една генерација повозрасни од нас.

Оваа генерација е актуелен освојувач на истата лига, која и оваа сезона би требало да брои околу десет екипи. Нејзиниот финиш е во месец јуни.

-Се надевам дека во вториот дел од сезоната ќе продолжиме во истиот ритам. Ќе се бориме и ќе пробаме да ја одбраниме титулата од минатата сезона. Одигравме два пријателски натпревари со генерација 2001 и 2003. Забележавме една победа и еден пораз, ни изјави членот на оваа генерација, Андреј Томиќ за нашиот сајт.

Звонко Ивановски