Бобан Николов добитник на признанието „19 декември“ доделено од Општина Штип (ФОТО)

Вардаровиот фудбалер, Бобан Николов, кој имаше плодна година како македонски сениорски репрезентативец, како  дел  селекцијата до 21 година на Европското првенство во Полска и како дел од црвено-црниот поход на Eвропа доби признание.
Тој е еден од  добитниците на признанието „19 декември“ кое го доделува  Општината Штип. 

Градоначалникот Благој Бочварски вечерва во Соборниот храм „Свети Никола“, патронот и заштитникот на Штип, ги додели наградите на истакнати граѓани за посебни остварувања во повеќе области на животот. Орденот „Свети Никола“ постхумно му беше доделен на првиот претседател на самостојна и независна Македонија, Киро Глигоров. Младиот Николов како истакнат спортист од “градот под Исарот“ сосема заслужено ја прими наградата за неговите спортски заслуги.