Vardar Fans
Две генерации на ФК Вардар го одиграа второто коло на турнирот „Гази Баба Куп“, во истото забележаа победи и обезбедија пласман во 1/4 финалето на турнирот.
До втора победа дојде и ФК Вардар генерацијата 2006, тие утрово го совладаа тимот на Еуроспорт од Куманово, а попладнево екипата на ФК Драчево Јуниор.
Дуелот го започнавме со следниот состав: Краљевски, Ордевски, Танчев, Илески, Настески, Крстевски, Нурединовски, Хасиќ, Атанасов, Трифуновски и Цониќ.
Избраниците на Филип Спасески во првиот дел имаа целосна иницијатива напаѓаа постојано, сепак на одмор се замина со почетните 0-0. Имавме две прилики и тоа преку Олег Трифуновски и Максим Цониќ, сепак мрежите останаа мирни во првиот период.
Во вториот веднаш тргнавме офанзивно, прва прилика имавме преку Олег Трифуновски, неговиот удар противничкиот голман успеа да го избоксува во корна. Марко Николовски го отвори мечот со погодок, тој погоди за 1-0 од над 30.метра ефектно под гредата. Противникот имаше две шанси, на нашиот гол се истакна Краљевски кој врза две одлични одбрани. Казната на спротивната страна ја „испорача“ Алтин Алији. Тој мина 4-5 дефанзивци и погоди крај немоќниот голман на ривалот. Шанса уште имаше Танчев Михаил.
Одличен ден имаше и генерацијата 2009 под водство на Игор Кралевски, која до го доби својот втор меч. На теренот на Фортуна во Сингелиќ, црвено-црните стигнаа до победа, со резултат 1-0.
Во дерби против тимот на Работнички, меч кој стартуваше од 15:30 часот одигравме одлично. Првиот дел заврши со почетните 0-0. Отпорот на ривалот го скршивме во вториот период, кога погодивме за 1-0. За оваа минимална победа со еден гол стрелаше Папаливски Васко.
Во 1/4 финалето се пласира и генерацијата 2010, која не одигра втор натпревар на турнирот, поради грешка на организаторот во нашата група има само три екипи. Утрово го совладавме тимот на Форца (2:1), додека Форца ремизираше со Тиквеш (2:2). Во текот на утрешниот ден каков и да биде исходот од овој дуел, избраниците на Колев ќе играат во 1/4 финалето на турнирот “Гази Баба Куп“.
Генерацијата 2007 утре ќе го одигра вториот меч на турнирот, блиску до 1/4 финале се и момците на Горан Петрески, кои со триумф треба да го визираат пласманот во осумте најдобри екипи во оваа генерација.
