(ФОТО) На денешен ден 2017! Грозданоски со „последното вардарово танго“, на ФК Вардар му беше доделена 11.титула

На денешен ден пред три години, 2017 на меч без резултатско значење, од последното коло одигран во Ѓорче Петров, нашиот ,,црвено-црн” тим одигра почетни 0-0 со ФК Силекс. Овој дуел го обележаа два моменти, доделувањето на 11.титула и простувањето на Влатко Грозданоски од црвено-црниот дрес. Поточно тој ден двајца играчи се простија од Вардар.

Се работи за легендата, Влатко Грозданоски кој има има 144 настапи во црвено-црниот дрес, како и Благоја Љамчески кој мина три години во редовите на Вардар. И двајцата освоија по три трофеи со екипата на Вардар. Клубот им се заблагодари за нивниот придонес за екипата и им посака се најдобро понатаму во нивниот живот. Грозданоски несомнено остави голем печат во црвено-црниот тим низ годините во кои настапуваше.