Марко Ѓоргиевски: Победа, која ни е многу важна во борбата за титула

Помладите пионери победнички се вратија од гостувањето во Струмица, каде успеаа да забележат многу важен триумф. Совладана беше екипата на Академија Пандев на свој терен со резултат 2:3. По првото полувреме беше нерешено 1:1. Стрелци на головите за црвено-црните беа Марко Ѓоргиевски, Кренарт Дардиша и Мартин Филипоски.

-Ова е победа , која ни е многу важна во борбата за титулата. Имавме повеќе шанси но не ги искористивме. Тие имаа само две вистински прилики и успешно ги реализираа. Се до 85 минута, резултатот беше нерешен 2:2. Но во вистински момент по една додадена топка од моите соиграчи, излегов сам со противничкиот голман и реализирав прецизно. Требаше овој триумф да биде изразен со повеќе голови, но сепак сме задоволни што ги освоивме трите бода, изјави Марко Ѓоргиевски за Вардарфанс.

Звонко Ивановски