На националната Арена „Филип Втори“ во Скопје денеска се играше дербито помеѓу Вардар и Пелистер во првата лига. На овој дуел забележавме нов пораз со резултат 2-3 (1-1). За нас стрелаа на овој дуел Барсегјан во 7.минута, и Блажевски во 60.минута. Ние го почнавме овој дуел со следните момци: 1. Алексовски, 3. Попов, 5. Битанг, 11. Барсегјан, 19. Хамбарџумјан, 21. Новак, 30. Тодороски, 33. Исени, 72. Максимов, 77. Брдаровски, 88. Цветановски.
ТЕК НА МЕЧ:
2:3 92’ – Пелистер дојде до водство. Битолските фудбалски избегнаа офсајд и излегоа двајца на голманот Алексовски, по што Наумоски погоди во голот за водство на гостите
90’ – Убав шут на Цветановски од десната страна, топката мина за малку крај голот на Пелистер
79’ – Нова голема шанса за Вардар. Глигоров го проигра Блажевски кој што одкосо од лево шутираше непрецизно и над голот
75’ – „Зицер“ позиција за Исени кој што излезе сам на десетина метри, но одлична интервенција на Атанасовски
74’ – БРАВО АЛЕКСОВСКИ! Трифуновски од пенал шутира, Алексовски тргна на вистинската страна и го одбрани овој удар. Топката дојде на левата страна, нафрлена до Трифуновски кој што со глава се обиде, но повторно феноменално Алексовски успеа да одбрани
73’ – Тодороски во шеснаесетникот го фаулира Наумоски, за нов пенал на Пелистер
2:2 69’ – Долга топка до Коњарски кој што е во сомнителна офсајд позиција, и на 25 метри стигна пред Алексовски и успеа да ја упати топката кон празниот гол
2:1 60’ – ГОООООЛ! Блажевски од белата точка шутира силно во десниот долен агол од голот на Пелистер за ново водство на Вардар
58’ – Хамбарџумјан од десната страна се проби, над него стартува Ристевски и Ецкоски досуди пенал за Вардар
53’ – Хамбарџумјан од десната страна изненадувачки упати удар кон голот на Пелистер, Атанасовски успеа да одбрани
47’ – Цветановски во добра шанса од 16 метри шутира над голот на Пелистер
46’ – Почеток на второто полувреме
КРАЈ НА ПРВИОТ ДЕЛ
45’ – Нафрли Цветановски до Барсегјан кој што со глава ја зафати топката, но по средината на голот каде што одбрани Атанасовски
40’ – Одбрана на Алексовски по шутот на Љамчевски од дваесетина метри
30’ – Хамбарџумјан од триесетина метри шутираше силно, но за малку непрецизно и над голот на Пелистер
19’ – Нафрли Тодороски од десната страна до Барсегјан кој што со глава упати обид над голот
1:1 13’ – Трифуновски од пенал погоди во долниот лев агол, и носи израмнување на натпреварот
12’ – Шутира од десната страна Наумоски, топката удира во раката на Хамбарџумјан, и Ецкоски суди пенал
1:0 7’ – ГОООООЛ! Попов испрати долга топка до Максимов на левата страна кој имаше многу простор, одлично го забележа Барсегјан кој натрча и стрела од 7-8 метри во голот на Пелистер за водство на Вардар
6’ – Обид на Бесар Исени од дваесетина метри по земја, голманот Атанасовски успеа да одбрани
3’ – Нафрлување од десната страна, топката дојде до Цветановски кој што се најде во добра позиција, но шутот е само над голот