Vardar Fans
Во рамки на 3.коло од регионалната лига, ФК Вардар гостуваше во Тетово кај екипата на Шкендија. На овие два натпревари домаќините дојдоа до победи.
Генерацијата 2008 беше поразена со минимален резултат, односно со 2-1. Домаќинот успеа да направи целосен пресврт на оваа средба, ние на одмор помеѓу двата дела заминавме со гол позитива. За црвено-црните помлади петлиња стрелаше Буцевски Дамјан во 27.минута за предност која се покажа како доволна за да се замине на одмор со наше водсто.
Во вториот дел тимот на Шкендија беше подобар во реализицијата, најпрвин во 52.минута стрелаа за резултатска симетрија 1-1, Три минути потоа дојдоа до целосен пресврт со погодок за 2-1, резултат кој се покажа како конечен. Ова е прв пораз за нашиот тим по воведните две победи во регионалната лига.
Оваа средба ја започнавме и ја одигравме со овој состав: Јовчев Дарко, Јевтоски Христијан, Цветковски Филип, Стамчевски Леонид, Кесиќ Матео, Ташевски Иван, Бојовиќ Заев Душан, Идризи Омер, Блажевски Петар, Буцевски Дамјан и Садики Бетим.
На втората средба помеѓу домаќинот Шкендија и нашиот ФК Вардар се сретнаа генерациите родени 2007. На овој натпревар до победа дојдоа момците од Тетово со резлтат 2-0. Во првиот период мрежите на нашиот голман Јаневски Лука и чуварот на мрежата на тетовчани, Хусеини Мерт мируваа иако двата тима имаа свои прилики.
Во вториот период во 48.минута екипата на Шкендија отвори со гол за предност од 1-о. По овој погодок ние атакувавме на израмнување, а домашниот тим целеше да ја удвои предноста и да осигура победа и три бода. За жал тие успеаа во намерата и во 59.минута стрелаа за 2-0, резултат кој подоцна се покажа како конечен.
Колев започна со: Јаневски Лука, Поповски Мичо, Ивановски Алексеј, Смиљков Филип, Крстевски Марк, Котевски Петар, Давитов Петар, Блажевски Иван, Јорданоски Михаил, Јаневски Стефан и Садики Бедри.
Во игра влезе единствено Стојаноски Војо на место на Садики Бедри.
