Vardar Fans
ФК Вардар генерација “2010” година денеска го одиграа последното коло од регуларниот дел во Детската фудбалска лига. Играчите на Зоран Петковски вообичаено, славеја две победи над екипите на ФК Фамос и Скупи.
Најпрвин, ФК Вардар (1) одигра и го доби убедливо дуелот со тимот на ФК Фамос. Резултатот по овој натпревар беше високи 5:0 за “црвено – црните”. На овој меч расположени за голови беа напаѓачите на Вардар, Стефан Ристиќ и Далибор Марковиќ со по два постигнати гола. На нив им се придружи и Матеј Чедевски со еден постигнат погодок.
За перфектни два од два, и со ниту еден примен погодок во својата мрежа се погрижи и Вардар (2) на дуелот со тимот на Скупи. Нашите играчи исто така во една убедлива игра го поразија противникот со високи 4:0. На овој натпревар Благојче Седлоски постигна два погодоци, а по еднашка во листата на стрелците се запишаа Петар Васоски и Јован Спасевски.
-Честитки до двете екипи за победите денеска.
